Тілдер күніне орай мектебімізде оздырылып жатқан «Мәңгілік ел - мәңгілік тіл » тілдер апталығының жоспары негізінде бүгін, «Алаш тағлымы және Ахмет Байтұрсынов» атты 10- 11 сынып оқушыларының қатысуымен ғылыми – тәжірибелік конференциясы өтті. Конференция мақсаты: оқушыларға қазақ халқының ғасырлар бойы тарихын, зұлмат жылдары елінің азаттығын аңсаған ұлт зиялыларының өнегелі еңбектерін насихаттау, еске алып, ұлағаттау болатын.

Шара барысында қазақ тілі мен әдебиеті пәні мұғалімдері: А.М. Кожагалиева мен М.Г.Кусаиновалар сөз сөйлеп, «Тәуелсіздіктің биік тұғыры» бейнебаян бойынша тарихи шолу жасады.

«XX ғасырдың басында ұлттық бірлікті нығайту идеясын алға тартқан рухани - зерделі игі жақсылар қазақтың ұлттық идеясын жасау міндетін өз мойындарына алған алаш көсемдері Ахмет Байтұрсынұлы, Міржақып Дулатов, Мағжан Жұмабаев, Алаш партиясын ұйымдастырушы – Әлихан Бөкейханов сынды арыс азаматтарымызды еске алып ,1 минут үнсіздік жарияланды. Ғылыми – тәжірибелік конференцияда 10-11 сынып оқушылары өз баяндамаларын ұсынды. Олар: «Алаш көсемі - Әлихан Бөкейханов » атты баяндаманы - Мергали Аймира 10 «А» сынып , «Көрнекті ғалым - Асфендияров Санжар» атты баяндаманы - Надирова Сабина 10 «Б»сынып , «Ұлт ұстазы- Ахмет Байтұрсынов »атты баяндаманы - Маликова Асем 10 «Г»сынып , «Алғашқы шығыстанушы- Құлманов_Бақтыгерей» атты баяндаманы – Рахматалиева Сабина 11 «А» сынып , «Публицист , ғалым - Мұстафа Шоқай » атты баяндаманы - Даулетова Милана 11 «В» сынып , «Дәгігер – ғалым - Халел Досмұхамедов» атты баяндаманы - Бестаубаева Айнур 10 «В» сынып оқушылары. Сондай – ақ, мектеп кітапханашысы : Касимова Алтын Еркенгалиевна «Алаш арыстары» атты кітап көрмесімен таныстырса, қазқ тілі мен әдебиеті пәні мұғалімі – А.М Умбетиярова конференцияға қатысушылар мен ұйымдастырушыларға алғысын білдіріп, тарих тарту еткен тәуелсіздікті қатерлей білу- өскелең ұрпақтар үшін парыз екеніне тоқталды. Шара соңы А.Алимжановтың сөзіне жазылған өлеңімен қорытындыланды.

... Алаштың арыстары,

Қазақтың данышпаны,

Байрағын Бостандықтың,

Халқына табыстады,

Ұрпағы ұмытпайды,

Қайралған намыстары.